14 кастрычніка 2012 г. на базе рэгіянальнага цэнтра вуснагістарычных даследаванняў ДУА “Слабадакучынская сярэдняя школа” пры падтрымцы Прадстаўніцтва зарэгістрыраванага аб’яднання “Deutscher Volkshochschul-Verband e. V.” (ФРГ) і ДУА “Мінскі абласны інстытут развіцця адукацыі” прайшоў семінар “Літаратурная Капыльшчына: мінулае і сучаснасць”.
Эпіграфам мерапрыемства сталі словы з верша былой настаўніцы Пацейкаўскай СШ Галіны Іванаўны Салавей:
Нам трэба прыгожа пражыць
і памерці –
Каб кожны сказаў: “Я пражыў
нездарма”,
У гісторыі нашай, каб след свой
не сцерці,
Другога й жадання няма!
У семінары прынялі ўдзел Алесь Марціновіч і Леаніда Падвойская, члены Саюза пісьменнікаў Рэспублікі Беларусь; Мікалай Майсюк, Любоў Мотуз, Ядвіга Малевіч, Вікторыя Матусевіч, Вікторыя Коршук – самабытныя паэты Капыльшчыны; Святлана Кубрак, Вадзім Салавей, Святлана Астрэйка, Барыс Дзенісюк – настаўнікі Капыльскага раёна з вопытам работы па вуснагістарычнай тэматыцы.
Тэатральнае прадстаўленне з паказам прэзентацый забяспечылі вучні гуртка “Юныя экскурсаводы” ДУА “Пацейкаўская сярэдняя школа” (кір. Вадзім Салавей).
Госці наведалі школьны музей імя І.С.Трацэўскага, у якім члены клуба “Патрыёты Радзімы” правялі краязнаўчую гасцёўню, прысвечаную 113-гадавіне з дня нараджэння пісьменніка Адама Бабарэкі.
У ходзе абмеркавання былі закрануты праблемы сучаснай паэзіі і прозы, магчымасці падтрымкі маладых паэтаў Капыльшчыны, вызначаны перспектывы для развіцця вуснагістарычных даследаванняў у адукацыі дарослых.
У канцы семінара ўдзельнікі мерапрыемства ўсклалі кветкі да помніка, устаноўленага ў гонар 100-годдзя народнай адукацыі в. Слабада-Кучынка.
Барыс Дзенісюк, кіраўнік рэсурснага цэнтра вуснагістарычных
даследаванняў